Carraleko zubia
Historia apur bat
Ziur asko, Salazar familiak agindu zuen haren eraikuntza
El Carral auzoan eraikitako zubi txiki hau Avellaneda errekaren gaineko pasabidea gainditzeko eraiki zen, Valdebeci errekarekin bat egiten duen tokitik metro gutxira.
Ziur asko, Salazar familiak agindu zuen haren eraikuntza, Balmasedatik irtenda, Sopuertatik igaro eta Castro Urdialeseko portura zihoan galtzadara zuzenean sartzeko. Salazar familia zubitik 400 metro ipar-mendebaldera zegoen Garai dorretxearen jabea zen.
Nolakoa da?
Dobelak zubiaren arkuan
Arku bakarra du, erdi-puntukoa, 4 m inguru zabaleko begiarekin, eta 2 metroko garaiera dauka Avellaneda errekaren gainean. Egitura osoa harkaitzean bermatzen da, eta ostikoek 2 metroko luzera dute ibaiaren ertz banatan.
Harlangaitzezko harri txikiz eraiki zen, eta arkua eskuairatu gabeko lauza luzangekin eta oso irregularrekin egin zen.
Harlangaitzezko harri txikiz eraiki zen
Karelak edo petrilak ditu zoruaren alboetan, 50 cm ingurukoak, harlangaitzez eginak eta eskudelean zakarki errematatuak, profilatu gabeko zementuzko morteroz.
Galtzadak 3 metroko zabalera du gutxi gorabehera, eta apur bat konkorduna da. Gaur egun, asfaltatuta dago.
Zubiaren beheko aldearen xehetasuna
