Laisekako zubia
Historia apur bat
Sopuerta eta Galdames udalerrien arteko elkargunea izan zen
Askotan berritutako XVI. mendeko zubi honek zeregin garrantzitsua izan zuen eskualdeko bide-azpiegituran. Laisekakoa Sopuerta eta Galdames udalerrien arteko elkargunea izan zen, eta, Liman ibaiaren gainetik igarotzean, Gueñesetik, Umaran gainetik Larrea eta Loizagaraino iristen zen bide zaharrari jarraipena ematen zion. Handik, Laisekaraino jaisten zen, Balmasedatik Castro Urdialesera zihoan galtzadarekin bat eginez.
Nolakoa da?
90 cm-ko altuerako petrilekin babestuta dago
Arku bakarra du, 13,50 m inguru zabaleko begiarekin, eta eta profil kokorduna du. Taula 3 metro zabal da, eta galtzada apur bat zorrotza du, zoru asfaltatuarekin.
90 cm-ko altuerako petrilekin babestuta dago, itxura orokorra monumentalizatuz. Zubiaren karelek harlangaitzezko zatiak dituzte, adreiluzko beste batzuekin txandakatuta, profilatu gabeko zementuzko morteroz modu zakarrean estalita.
Ostikoak Liman ibaiaren arrokaren gainean bermatuta daude, eta hormak kareorez luzitutako harlangaitzez eraikita daude.
Zubiaren azpiko taularen xehetasuna
