Llano jauregi dorrea II
Garaia: 16. mendea
Historia
Jauregi dorrea hau Llano familiarentzat eraiki zen
1550 inguruan, gaur egun desagertuta dagoen
beste dorre baten ondoan, Llano I dorrearen ondoan.
Biak Balmaseda Castro Urdialesekin
lotzen duen bidearen ondoan zeuden,
Las Muñecasko mendatearen erdian.
Llano familiak, Muñatones-Salazar familiaren aliatuak,
Sopuertan aurka zeuden bandoetako baten
agintea zuen, San Cristóbalena,
Mendieta eta Alcedo familien etsaia.
Nolakoa da?
Jauregi dorreak 3 maila ditu: beheko solairua,
bizitzeko solairua eta ganbara.
Hormak hareharriaz eta harri burdin hondarrez
eginda daude eta fatxada nagusia harlanduz forratuta dago.
Dorrera sartzen da 8 dobela dituen arkudun ate batetik.
Aurreko fatxadan molduradun 2 leiho zuzen daude,
alboko aldean zulo zuzenak
eta atzeko aldean 2 gezileiho.
Eraikineko zati nabarmenena
fatxada nagusiko goiko aldea da.
5 kubo ditu piramidean errematatuta,
almenak deituak.
Fatxadan ere agertzen da
Salazar eta Salcedo familien armarria.
Azpian esaldi hau dago gazteleraz:
ESTA ES LA TORRE I CASA INFAN
ZONA DEL LINAGE DE LLANO
(“hau da Llano leinuaren dorretxea”)
